ខេត្តកំពត ៖ នៅព្រឹកថ្ងៃចន្ទ៤រោច ខែអាសាឍ ឆ្នាំ ម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី ១៤ ខែកក្កដា ឆ្នាំ ២០២៥ នៅស្នងការដ្ឋាននគរបាលខេត្ត បានរៀបចំពិធីសំណេះសំណាល ជាមួយ សិក្ខាកាមថ្មីចុះកម្មសិក្សាជំនាន់ទី ១៩ ក្រោមអធិបតីភាពលោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្ត ។

កម្មវិធីខាងលើមានការចូលរួមពីលោក លោកស្រីស្នងការរង លោកនាយ នាយរងការិយាល័យជំនាញ ចំណុះផែនការងារធនធានមនុស្ស លោកអធិការនគរបាលក្រុងកំពត លោកអធិការស្រុកទឹកឈូ ព្រមទាំងសិក្ខាកាមចំនួន ៧៩នាក់។

ដោយកម្មវិធីបានធ្វើការបែងចែកជា ៦ក្រុម ដើម្បីចុះធ្វើកម្មសិក្សាតាមបណ្តាប៉ុស្តិ៍រដ្ឋបាលក្នុងក្រុងកំពត និងស្រុកទឹកឈូ។